مقلب بنت في ابوها وامها

موقف ظريف
حصل مع صاحبتي
ياليت تستفيدون منه

ما ابغى اطول عليكم

صاحبتي معروف عنها بالمقالب
يعني مستحيل تتوب من رغم
الضرر اللي تجيها منها

في يوم من الايام
قرروا انهم يروحوا السوق
والوقت تاخر عليهم وهم لسا ما خرجوا من البيت
طبعا ابو صاحبتي مستحيل يخرج من البيت
بدون ما يضبط كل شي
وعلى بال ما تجهز
صاحبتي طفشت وتبغى تخرج بسرررررررررعه
عشان تلحق تشتري
وطلب ابوها تجيب له قلم
صاحبتي ما عندها وقت
واول قلم شافته عينها
على طووول اعطته لابوها
وما صدقت ابوها ركب السياره
بعد العناء والربكه اللي بالبيت
وراحوا للسوق
امها كانت مع اخوانها الصغار
تتسوق
وهي كانت مع ابوها
واشترت اللي تبغاه
وهي وابوها راجعين للسياره
وقفهم شخص(عابر سبيل) وطلب قلم
طبعا بكل ثقه ابوها طلع القلم
(ويا ليته ما طلعه)
المهم القلم الحين وصل
للادمي
وكان محتاجه ضروري
يحاول يكتب فيه مو راضي ينكتب
طلع القلم منتهي والمفروض
يكون بالسله
ابو صاحبتي تفشل
ما عرف اش يسوي
وصاحبتي ما خذه الموضوع قمه في الفله
وجالسه تضحك ع الادمي وابوها
ولا همها شي
والمصيبه هي اساس الإحراج لابوها
وبعدين وصلوا للسياره
بس ابوها تذكر شي
وعلى بال ما راح
وهي تنتظر عند المحل

الا الأخت مجهزه رساله
مكتوب فيها
(انت كثير حلو بس عدل الغتره((او الشماغ))شوي لانها ميله
انا ورااك انتظرك)
وارسلتها بالبلوتوث
ابوها ماله في ذي السوالف
بس فتحه الرساله
ولمن قراها الكلام ما له داعي
وقفل البلوتوث
وركبوا السياره
وراحوا للبيت
وصاحبتي مستحيل تبطل شغل النذاله
هي ما صدقت توصل للبيت
وطلبت ابوها الجوال
وتعذرت وكان سببها
ان جوالها الشحن منتهي
وتبغى تكلم من جواله
دخلت على الرسايل
وفرحت لان الرساله لسا
ما انحذفت
ولمن قرتها جلست تضحك
وبدا التمثيل:
وقالت لابوها والمصيبه امها كانت فيه
او بالاحرى هي كانت تقصد تتكلم قدام امها
قالت وبكل ثقه
(ابوي اش ذي الرساله تتغزل انت في البنات)
ابوها تفشل وقال لا
ذي بنت ارسلتها انا معرف كيف وصلت
امها استغربت
وطلبت منها تقرا الرساله
قرت الرساله لامها
وهي ما سكه الضحكه
والام غاااارت
وماتحملت
وجالسه تخاصم في زوجها
وتقولمين ذي البنت ؟؟ وليه ترسلها ومن ذا الكلام)
ورد عليها بكل برائهانا معرفها مدري كيف الرساله وصلت
وبعد ما قريت الرساله على طول قفلت البلوتوث)
ومن ذا الخصام
وصاحبتي خلاص ما قدرت تتحمل
وجالسه تضحك
وامها وابوها مستغربين
نحنا في مشكله والبنت بدون سبب تضحك
في الاخير اعترفت
وقالت انا ارسلتها
طبعا الام ما استحملت
وهزئت بنتهاوفوق ذا ضربتها
من قهرها
وجالسه تقول لامها خلاص
ماراح اسويها مره ثانيه
بس مازلات كل يوم تسوي مقالب
وشكلها مارح تتوب


اعذروني لو كان اسلوبي ركيك
لاني اول مره اكتب قصه
بس ان شاء الله اعجبكم الموقف

هههههههههههه
شكرا لك على الموقف المضحك

ههههههه
مقلب حلو شكرا على الموضوع

شكرا لكم على الردود الرائعة